Вести Македонија Настани Ударни вести

Студентите се обединија: Студентски марш пред Влада

Сподели:
 
Меѓународниот ден на студентите, македонските студенти ќе го одбележат со студентски марш од Владата до Министерството за образование.
 
Студентите се обединија!
 
УСС при Уким, ШТУЛ, ФОН, АМЕРИКАН, ФОП, УКЛО, УГД и движењето Студентски отпор обединето ќе ги бараат своите права! Оваа борба е заедничка и само сплотени и заедно ќе успееме да ги заштитиме нашите права и барања.
 
Ве очекуваме во четврток, по повод Меѓународниот ден на студентите, со почеток во 17:30 часот, да излеземе сите заедно, сплотени на голем студентски марш, каде тргнувајќи од Влада па до МОН ќе го завршиме нашиот марш и јасно и гласно ќе ги искажеме нашите барања, а тоа се:
Издвојување на средства од буџетот за:
 
1. Подобри услови во студентските домови
2. Изземање на студентите од антикризните мерки
3. Целосно спроведување на законот за студентски оброк и зголемување на сумата
4. Изедначување на стипендиите
5. Подигнување на квалитетот на образованието
6. Дигитализација
 
Ги повикуваме сите кои се вклучени активно во образованието меѓу кои, средношколци, професори, декани и ректори да ни дадат поддршка и да се приклучат на маршот!
 
Ајде сите заедно да се избориме за нашите студентски права и подобар студентски стандард!
 
Организатори на настанот се сите универзитетски собранија и организацијата студентски отпор.
 
Сподели: