Вести Свет

Трамп: Со Путин имавме извонреден состанок

Сподели:

Претседателот на САД, Доналд Трамп, изјави дека имал извонреден прв состанок лице в лице со рускиот претседател Владимир Путин.

Ова Трамп го изјави на почетокот на средбата со британската премиерка Тереза Меј, со која ги почна обврските на вториот ден од самитот на Г20 во Хамбург.

Состанокот помеѓу Трамп и Путин во Хамбург, кој требало да трае половина час, завршил по два и пол часа.
Лидерите на САД и на Русија постигнале договор за прекин на огнот на југозападот на Сирија, јавува агенцијата АП.

Како што се наведува, прекинот на огнот би требало да стапи на сила на 9 јули по локално време во Дамаск.
Тие исто така ги разгледувале и можностите да се намалат тензиите во другите делови на Сирија кои не се опфатени со договорот за примирје.

meta.mk

Сподели: