Уругваецот Луис Суарез го постигна победничкиот гол за Атлетико Мадрид во победата над Ваљадолид од 1-2 нагости со што на својот тим му ја донесе шампионската титула во Шпанија.
Суарез беше исфрлен од Барселона пред почетокот на оваа сезона. Роналд Куман му порача дека не смета повеќе на него, а Суарез замина во Атлетико.
На крајот, неговиот потпис за тимот од Мадрид се покажа како клучен, а по освојувањето на титулата, Суарез плачеше на теренот додека збореше на мобилниот телефон со својата жена.
“Барселона не ме ценеше. Атлетико ми отвори вратa и секогаш ќе им бидам благодарен што веруваа во мене”, рече во солзи уругвајскиот напаѓач и додаде:
“Знам дека Меси ќе биде среќен за мене. Ми посака среќа пред неколку дена”, истакна Луис.
Oваа сезона одигра 32 натпревари во Ла Лига и постигна 21 гол и три асистенции.
The post ВИДЕО: Солзите на Луис Суарез! appeared first on Спорти.
Powered by WPeMatico
