Во Кривичниот суд за денеска е закажано ново рочиште од судењето на обвинетите за обидот за убиство на пратеникот Зијадин Села, што се случи на 27. април минатата година во Собранието.
На денешното рочиште поканети се да сведочат претседателот на Собранието Талат Џафери, министерот Дамјан Манчевски, пратеникот Александар Кирацовски и премиерот Зоран Заев.
На претходните рочишта сведочеа неколку сведоци, меѓу кои и Зијадин Села. Тие зборуваа за случувањата и насилството што се случи врз Села на 27 април 2017 година кога Талат Џафери беше избран за претседател на Собранието.
За овој предмет, месецов се закажани пет рочишта.