Oбврските за спроведување на реформските приоритети што произлегуваат од извештатите на Прибе и на Европската комисија, може да ги спроведе само нова и одговорна влада, формирана според изразената мнозинска волја на граѓаните за промени“, истакнал Заев на денешната средба со словачкиот амбасадор во земјава, Мартин Безак.
Заев, како што соопштуваат од СДСМ, на средбата го информирал словачкиот амбасадор за очекувањата на СДСМ од идните политички процеси кои треба да придонесат „кон демократизација и нормализација на земјата“.
„Македонија е исправена пред сериозната обврска за спроведување на реформските приоритети што произлегуваат од извештаите на Прибе и на Европската комисија, а кои ќе придонесат кон враќање на демократските процеси во државата. Оваа сериозна обврска може да ја спроведе само нова и одговорна влада формирана според изразената мнозинска волја на граѓаните за промени. Затоа очекуваме дека на 29 јануари, Никола Груевски ќе го врати мандатот и дека СДСМ ќе биде партијата што ќе формира влада, која ќе работи во интерес на сите граѓани на Република Македонија“, рекол Заев на средбата со Безак.
