Утре во јавната здравствена установа Железничар во Скопје ќе има бесплатен скрининг-тестирања за рак на простата, кој е наменет за мажи над 45 години и ќе се спроведува во рамки на кампањата „Мовембер“ за подигнување на свеста за машкото здравје.
Бесплатното ПСА-тестирање на машката популација ќе се одвива како поддршка на светското движење „Movember“.
Утрешната акција е во организација на јавната здравствена установа заедно со „Проџект хоуп“ (Project Hope), „Ротари ист“ (Rotary east) – Скопје, „Џентлменс кру“ (Gentlemans crew) и „Веспа клаб“ (Vespa club) – Скопје.
Тестирањата почнуваат во 13 часот и 13 минути. Бидејќи утре е петок 13-ти, кој многумина го сметаат за „баксуз ден“ и датум на кој се случуваат лоши работи, пораката е „да се разбие малерот“, наведуваат од Здравствен дом „Железничар“.
Фото: ЗД „Железничар
