Денеска Основниот Кривичен суд – Скопје, пресуди максимална казна – доживотен затвор за Љупчо Палевски, Боре Видевски, Велибор Манев, Влатко Кешишов за грабнување и за убиството на 14-годишната Вања Ѓоревска и 74-годишниот Панче Жежовски. Судењето траеше 10 месеци.
Според обвинението, тие заедно испланирале грабнување на 14-годишното девојче Вања
Ѓорчевска со цел да присилат член на нејзиното потесно семејство да даде парични средства за откуп.
Судијата Ивица Стефановски при објавата на пресудата истакна дека обвинетите се виновни за грабнување и убиства, извршени со претходен договор и користољубив мотив.
Обвинетите изјавија дека не се чувствуваат виновни, а нивните адвокати најавија жалби до Апелацискиот суд, оценувајќи дека пресудата е донесена без докази и без темелна правна анализа.
Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.
