Вести Македонија Став Топ теми Ударни вести

ДУИ: ВМРО да не заборави дека тие се дел од изготвувањето и потпишувањето на Рамковниот договор

Сподели:

 

Охридскиот рамковен договор од неговото потпишување до денес, 20 години по ред ја отсликува реалната и фактичка состојба на државата и нејзините граѓани за соживот со сите етнички заедници во земјата.
 
Демократската унија за интеграција смета дека прославата на оваа 20 -годишнина од Охридскиот договор, како основа за функционирање на државата, треба да не најде обединети, а не поделени, додека дневните политики на ВМРО за оваа 20-годишнина не треба да влијаат во поделба на граѓаните, туку напротив.
 
ВМРО-ДПМНЕ не треба да заборави дека тие се дел од изготвувањето и потпишувањето на овој договор и нивниот потпис фигурира таму.
 
Овој договор стави крај на конфликтот во 2001 година и бегството од одговорност и неучество во јубилејната манифестација е едноставно политичко лицемерие и со ова ВМРО-ДПМНЕ докажува дека тие се партија која уште работи во политиката со едно етничка линија.
 
ВМРО-ДПМНЕ и нејзиниот лидер Христијан Мицкоски треба да бидат свесни и да не забораваат дека Северна Македонија е членка на НАТО и не треба да отстапува од европските политики за интеграција.
 
Што се однесува до албанските опозициски партии, тие како и обично не се редат таму каде што се прогресивните сили и нашите сојузници од САД и ЕУ, туку се редат позади ВМРО-ДПМНЕ и не заслужуваат посебно или одвоено внимание од ВМРО-ДПМНЕ, се вели во денешното соопштение на ДУИ.
Сподели: