Денеска во Министерството за надворешни работи на Република Македонија ќе се одржи годишен состанок на национални координатори на Франкофонијата од регионот на Централна и Источна Европа, во рамките на одбележувањето на „Месецот на франкофонијата“.
Како што е најавено, на состанокот ќе учествуваат владини претставници на Франкофонијата од Македонија, Албанија, Бугарија, Ерменија, Молдавија и Романија, како и претставници од министерствата за образование на овие држави. Најавени се разговарит за активностите во рамки на годишната агенда, која предвидува интензивирање на меѓусебната соработка.
Македонија од 2006 година е полноправна членка на Меѓународната организација на Франкофонијата, организација во која членуваат 84 држави и влади.
