Грчка вечер на „Охридско лето“ со пијанистката Данае Доркен

Грчка вечер со пијанистката Данае Доркен ќе се одржи вечер во 21 часот во црквата „Св. Софија“ во рамките на фестивалот „Охридско лето“.

Доркен, германска пијанистка со грчко потекло, е една од најбараните уметници на нејзината генерација, позната по неверојатната техника и длабочина на музичката мисла. Таа ќе изведе дела од Роберт Шуман, Феликс Менделсон, Микис Теодоракис, Фазил Сај и од Франц Лист.