„Мандат ќе добие коалицијата што обезбедила мнозинство во Собранието. Се раговараше за сите можни варијанти во случај да не се обезбеди мнозинство. Што и да се случи, ќе бидат отворени сите опции“, изјави претседателот Ѓорге Иванов по средбата со лидерите на парламентарните партии.
Тој додаде дека од тој што ќе ја состави владата, бара две работи: заштита на државните интереси на Македонија и, второ, системска реформа на системот на национална безбедност.
– Наместо да почне да се решава кризата, таа влезе во уште полоша фаза. Секој го толкува Уставот како му одговара, а Уставот ја одразува нашата реалност. Тој не може да се толкува по партиски желби. Според член 90, претседателот е должен да го довери мандатот на партијата која има мнозинство во Собранието. Го искористив уставното право. Решив да направам консултации со поличките партии. Ги слушнав ставовите на моите соговорници – рече Иванов.
