Алтернатива Настани

Изложба на Дарко Аницин – “Предоживувања низ музика”

Сподели:

 

Во вторник, на 25 август 2020, со почеток во 19 часот, во Дом на културата „Кочо Рацин“ Скопје, ќе биде отворена изложбата на ликовниот уметник Дарко Аницин од Скопје. Изложбата е насловена „Предоживувања низ музика“.
  Ludwig van Beethoven – Melody of Love
Целта на овој автономен иновативен проект е преку мобилизирање на граѓаните/ките, од различни културни средини, да ги поттикне да размислуваат како уметноста влијае на нивните состојби. Истовремено ги спојува визуелните уметности, ликовната уметност поточно со музичката, создавајќи антистресен механизам за справување со притисокот на секојдневниот живот.

 

                   Chopin — Nocturne Op.55 No.1
Исто така, целта се повикува на Националната стратегија за култура 2018-2020, да се создадат услови за негување на слободата и разноликоста на сите културни идентитети.
Проектот се состои од мобилизирање на публиката преку интерактивен конкурс каде граѓаните/ките праќаат на јавен повик свои музички нумери кои им помагаат да се ослободат од стресот.

 

 

 

                    Zero 7 – In The Waiting Line
Авторот прави избор на музички дела по кои тој создава акрилни дела кои ќе ги претстави на интерактивна изложба, каде ќе може да се слушаат песните избрани од јавниот конкурс и да се гледаат создадените дела.
Отворањето на изложбата ќе се одвива според протоколите за COVID 19.
Сподели: