Во галеријата на ЛУ Градски музеј Крива Паланка на 14 јуни (петок), во 12,30 часот, ќе биде отворена изложба на цртежи од архитектот Љубе Чаловски.
Изложбата содржи 30-тина цртежи, работени во техниката јаглен на хартија, кои се создадени во приодот од последните неколку години.
Инсипрацијата за делата Чаловски ја пронаоѓа во мотивите од просторите и градовите низ светот каде што градел и престојувал авторот повеќе од 30 години и тоа: Блискиот Исток, Јужен Сибир, Русија, балтичките земји, Грција, а од Македонија најзастапени се мотиви од Велес, Крушево, Кратово, Гостивар, Тетово, Охрид и Галичник, кои во ризницата на македонскатаб архитектура.
Поводот за оваа изложба е 20-годишниот јубилеј од првата изложба поставена во НУЦК „Трајко Прокопиев“ Куманово.
Љубе Чаловски дипломирал на Архитектонскиот факултет во Скопје во 1975 година. Има реализирано шест самостојни изложби, активен член е на Комората на овластени инженери и техничари, Сојузот на архитекти, соработник со „Мост проект“ од Москва и „ГерцИ Швајцарија“.
Изложбата се реализира во рамки на манифестацијата „Крива Паланка – Град на културата 2024“.
