Алтернатива Вести Македонија Настани Ударни вести

Комеморација по повод смртта на композиторот и диригент Александар Џамбазов

Сподели:

 

Националниот координатор за интеркултурализам, едно општество, развој на културата и меѓуресорска соработка, Роберт Алаѓозовски присуствуваше на комеморацијата по повод смртта на композиторот и диригент Александар Џамбазов во Националната опера и балет и во таа прилика во име претседателот на Владата на Република Северна Македонија Димитар Ковачевски ја предаде телеграмата со сочувство на семејството на маестро Џамбазов.

 

 

Во телеграмата со сочувство упатена од премиерот Ковачевски се вели дека со голема тага ја примил веста за заминувањето на еден од најистакнатите македонски композитори и диригенти, чие вонсериско творештво е своевиден амблем  на македонската современа музика.  

Заминувањето на личност каква што беше маестро Александар Џамбазов, пишува во телеграмата Ковачевски, е немерлива загуба за семејството и најблиските пријатели, колеги и соработници и за сите нас кои имавме привилегија да бидеме современици со него и неговото музичко творештво.

 

 

Маестро Џамбазов, истакнува премиерот Ковачевски во телеграмата со сочувство, беше тивок човек со беспрекорна репутација и огромни човечки и професионални квалитети чија страствена љубов кон музиката фрлаа посебна светлина на сцената додека диригираше со Танцовиот и Ревискиот оркестар, или додека сесрдно ги поттикнуваше и храбреше првите чекори на младите музички таленти на фестивалот „Златно славејче“.

 

 

„Нека му е вечен споменот, преку неизбришливите сеќавања на неговите настапи и неговaтa музика која ќе ја љубат и пренесуваат и идните генерации“, се вели во телеграмата со сочувство до семејството за смртта на композиторот Александар Џамбазов.

Сподели: