Властите во Венеција одлучија да го откажат познатиот карневал и сите случувања во градот поради ширење на коронавирусот, пренесе МИА.
Иако се очекувало присуство на повеќе илјади туристи, кои цела година го чекале карневалот, поради големиот број заболени и две починати лица од новиот вирус, сите настани се откажани и тоа најмалку една недела.
Иста мерка е преземена и во Милано, каде во рамки на модната недела е откажана ревијата на Армани.
Досега во Италија се регистрирани над 100 случаи на заразени од коронавирус, од кои две лица починаа.
