Поемата “Љубовта на Марија од Магдала” се две поетски книги од нашата реномирана авторка Ирена Павлова Де Одорико, кои неодамна излегоа од печатење. Павлова веќе неколку години живее и твори во Италија, Венеција, но како дводомен автор неуморно твори и во рамките на двете култури.
Љубовта на “Марија од Магдала” ја објави Здружението за наука и култура “Нова” и на овој конкурс поетесата ја доби наградата “Климентово перо”.
Збирката” Просветлени песни” излезе во издание на “Датапонс” од Скопје, додека “Марија од Магдала” е континиум на специфичната поетика на творештвото која најдобро беше дефинирана од страна на великанот на македонската книжевност, академик Гане Тодоровски, кој ја именуваше како радикална апокрифна фабулизација.
-“Во таа насока би кажала дека тој беше сосем во право, бидејќжи и претходните мои поеми се апокрифи кои се обидуваат познати митови, особено митолошки женски ликови да ги оттргнат од вообичаени ролји и интероретации, како и од нивниот матрикс, да им дадат посебно, ново, современо и истовремено дури и трасгресивно значење, за да ја преиспитаат вистината и свеста за нив”.
-“Љубовта на Марија од Магдала” е вон сите табуи, нејзиниот љубен и вечно прохибиран како таков може да го насетите – додава Павлова.
Просветлени песни е книга која е напишана во свештен поетски нагон – ќе напише Бранко Цветкоски.
Книгите на Ирена Павлова Одорико ќе бидат претставени на 14. јули, во 19. часот во Младински културен центар, во вид на перформанс.
