Пандемијата е готова, фудбалот победи – Најсилните пет лиги пријавија спектакуларна заработка!

Фудбалот е една од најголемите индустрии, практично машина за правење пари.

Во изминатите две години, ковид пандемијата создаде огромен проблем за оваа индустрија, но на се му доаѓа крајот, вклучително и на тоа.

Петте најголеми фудбалски лиги во Европа целосно се опоравија од пандемијата и се подготвуваат да постигнат рекордни приходи, покажува најновата годишна студија „Фудбал финансии“, спроведена од консултантската куќа „Делоит“.

Според извори, „Лигата на петте“ планира да ја заврши сезоната 2022/2023 со промет од дури 18, 6 милијарди евра, што е значително повеќе отколку во сезоната пред пандемијата.

Да потсетиме, тогаш историскиот максимален промет беше 17,4 милијарди евра.

Deloitte report: Premier League leads European football’s financial recovery https://t.co/Fsq2Glqemm

— The Guardian (@guardian) August 18, 2022

Според претходно споменатата студија, англиската Премиер лига ќе продолжи да биде најсилна финансиски, бидејќи нејзините приходи во сезоната 2022/2023 ќе сочинуваат повеќе од 38% од вкупниот број, со промет од 7,11 милијарди евра, што е зголемување за 11% во однос на сезоната пред пандемијата.

На второто место ќе се врати шпанската Ла Лига, со промет од 3,7 милијарди, германската Бундеслига ќе падне на третото место (3,6 милијарди евра).

Во извештајот се забележува дека некои од спонзорските договори, како што се „Spotify“ со Барселона или „Whalefin“ со Атлетико од Мадрид, ќе бидат клучни за растот.

Италијанската Серија А и француската Лига 1 ќе заостанат многу зад другите три натпреварувања, без да ги достигнат нивоата пред Ковидот.

Италијанската конкуренција планира да инкасира околу 2,4 милијарди евра во периодот 2022/2023 година, додека францускиот турнир би ја затворил книгата со приходи од 1,8 милијарди евра

На бумот што се случи во инвестициите во фудбалските клубови укажува и извештајот на консултантската куќа „Дилоит“.

Во текот на 2021 година се реализирани вкупно 15 вакви финансиски операции во најдобрите пет лиги – 11 се купување на малцински акции во тимови, а четири се целосно преземање на клубови.

The post Пандемијата е готова, фудбалот победи – Најсилните пет лиги пријавија спектакуларна заработка! appeared first on Спорти.