Плоштад Слобода во соработка со Кадар продукција, во понеделник од 18 часот, ќе го проектира нивниот документарен филм кој што зборува за најгорливата точка со загадувањето во Скопје – токсичната депонија во ОХИС.
По завршувањето, ќе се одржи и дискусија со авторите на филмот, како и експерти и активисти кои периодов работеа на актуелизирање на проблемот со загадениот воздух.
Заедно со „Аеродром Сака да Дише“ ќе се дискутира за последиците врз луѓето, како и можностите за самоорганизација за справување со проблемот.
Настанот е отворен за сите добронамерници и засегнати.
АГЕНДА
18:10 – Проекција на документарен филм „Црни бели дробови“
18:35 – Разговор со авторите на филмот
18:45 – Дискусија со експерти и активисти
19:00 – Прашања од присутните
