Светскиот ден на театарот, 27 Март, НУ Драмски театар ќе го одбележи со промоција на монографијата „Ристо Стефановски“. Промоцијата ќе се одржи денеска (27 март) во 18:00 во фоајето на Театарот.
Промотор на монографското издание ќе биде Искра Гешовска, теоретичарка на книжевност и уметност. Актерите Александар Степанулески, Предраг Павловски, Маја Вељковиќ-Пановска и Јована Спасиќ пред посетителите ќе прочитаат делови од книгата.
− Програмската активност продолжува со именување на големата театарска сала во сала „Ристо Стефановски“, со што неговиот влог во развојот на театарот не се препушта на заборавот и станува потсетник и за идните генерации. Именувањето на големата театарска сала е во 19:00 часот. Програмата продолжува со изведба на театарската претстава „Мојот маж“, во режија на Нела Витошевиќ, со почеток во 20:00 часот − информираат од НУ Драмски театар Скопје и потсетуваат дека влезот за претставата е слободен.
