Вести

Турција ја одби посетата на германска делегација поради резолуцијата за геноцид

erdogan

Шефот на турската дипломатија, Мевлут Чавушоглу, потврди дека неговата земја го забранила влезот на висока германска делегација на своја територија, како одговор на усвојувањето на резолуцијата за признавање на геноцидот на Ерменците во германскиот парламент.

– Ние сметаме дека посетата е неприфатлива – им изјавил Чавушоглу на новинарите во Анкара.

Германските власти соопштија дека државниот секретар за одбрана, Ралф Браукзипе, и пратениците на германскиот Бундестаг вчера биле принудени да ја откажат посетата на Турција, бидејќи официјална Анкара не дозволила да слетаат во воената база Инџирлик.

Во таа база на југот на Турција стационирана е воздушната флота на меѓународната воена коалиција која се бори против Исламската држава, а меѓу нив има и германски борбени авиони.

По усвојувањето на резолуцијата за признавање на геноцидот на Отоманската Империја над Ерменците во 1915 година, изгласана на 2 јуни во Бундестагот, Турција го повлече својот амбасадор во Берлин, а претседателот Реџеп Таип Ердоган се закани со санкции кон Германија.

http://meta.mk/turtsija-ja-odbi-posetata-na-germanska-delegatsija-poradi-rezolutsijata-za-genotsid/

Сподели: