Сите граѓани во Србија кои се вакцинирале, ќе добијат дополнителни 3.000 динари помош, изјави денеска српскиот претседател Александар Вучиќ.
Целта на Вучиќ, е да ги стимулира тие кои се одговорни прво кон своето, а потоа и кон здравјето на најблиските.
– На ваков начин сакаме да дојдеме до колективен имунитет и да се посветиме на работата – вели Вучиќ.
Тој нагласи дека и покрај претходно предвидената помош, сите оние кои се вакцинирани на возраст над 16 години, или кои биле вакцинирани со една или две дози, и сите кои ќе бидат вакцинирани со најмалку една доза до 31 мај, ќе добијат дополнителни 3.000 динари (околу 25 евра) од државата.
