Земјотрес од 7,2 степени според Рихтеровата скала утрово го погоди Таџикистан, објави кинеската државна телевизија, повикувајќи се на информации од Кинескиот центар за земјотресни мрежи. Земјотресот е регистриран во 8 часот и 37 минути по локално време, на длабочина од 10 километри.
Епицентарот бил на околу 82 километри од најблиската граница со Кина и силно бил почувствуван во некои области во западниот кинески регион Ксинџијанг, вклучувајќи ги Кашгар и Артукс. Засега нема информации за жртви. Снабдувањето со електрична енергија и комуникацијата се нормални во Кашгар, пренесува Ројтерс.
Железничкиот сообраќај во Ксинџијанг е запрен, посебно на оние возови кои сообраќаат во делот Аксу до Кашгар. Локалните власти ги проверуваат мостовите, тунелите и опремата за сигнализација.
