Силите за безбедност во Европа се во зголемена готовност пред Божиќ по нападот во Берлин.
Во Франција, Велика Британија и Германија полицијата го засили присуството околу туристичките објекти во големите градови и густо населени реони.
Во Франција властите соопштија дека ќе бидат распоредени 91 илјада полицајци и војници. Дополнително се засилени мерките за безбедност во реонот на црквите.
Во Германија федералната полиција ги засили патролите на аеродромите, железничките станици. Се проверуваат и по случаен принцип луѓе во пограничните региони на Германија.
Во Британија полицијата засили присуство на голем број објекти што се популарни кај туристите меѓу кои и Бакингемската палата. Вооружени полицајци ќе патролираат и во трговски центри и божиќни пазари како и пред цркви.
