Основните и средните училишта од денеска до 16 март, ќе можат да аплицираат за третиот „Предизвик за млади истражувачи“ на Фондот за иновации и технолошки развој (ФИТР).
Проекти кои ќе бидат прифатени се од областа на природните и техничките науки кои би се реализирале за максимум 6 месеци. Вкупниот буџет за годинашниот предизвик е шест милиони денари или од 100.000 до 300.000 денари за секој од проектите што ќе биде поддржан.
За наставниците – ментори кои ќе ги водат тимовите се предвидени по 30.000 денари, а за учениците сертификати.
Клучни во изборот на проекти ќе бидат оригиналната идеја, квалитетот на проектот неговата применливост и мулти имплементација.
Со досегашните два предизвика за млади истражувачи, ФИТР поддржа вкупно 54 училишта.
