Со одбележувањето на овој месец, имаме за цел да ја истакнеме важноста од микрочипирање на домашните миленици, соопштуваат од ЈП ЛАЈКА.
Микрочипот обезбедува сигурна и трајна идентификација, што во голема мера ја зголемува веројатноста доколку вашиот домашен миленик се изгуби, да биде вратен во својот дом. Микрочипот е најдобриот начин да ги обединат повторно милениците со нивните сопственици.
Но, микрочипот ја извршува својата функција само доколку е регистриран со ажурирани информации во базата на податоци за домашни миленичиња, како за миленикот така и за сопственикот.
Согласно одредбите на Законот за заштита и благостојба на животните, сопствениците на кучиња и мачки имаат обврска да го идентификуваат и регистрираат својот домашен миленик.
Во таа насока, преку оваа кампања прифатилиштето на ЈП Лајка има за цел да ја подигне јавната свест за градење на култура на одговорно сопствеништво и грижа за благосостојбата на кучиња.
