Вести Изјави Македонија Статуси Ударни вести

Ковачевски-Петков: Правиме сериозни чекори напред, имаме причини за оптимизам

Сподели:

 

Премиерот Димитар Ковачевски на маргините на вонредниот Самит на НАТО во Брисел се сретнал со бугарскиот колегата Кирил Петков.

“На маргините на Вонредниот Самит на НАТО се сретнав со колегата Петков. Взаемно изразивме задоволство од динамиката на билатералната соработка меѓу Република Северна Македонија и Република Бугарија преку работните групи кои се остваруваат во тековниот период, како и од потпишаните договори и меморандуми за соработка во повеќе области од заеднички интерес”, напиша премиерот Ковачевски на својот официјален ФБ профил.
 
“Оценивме дека правиме сериозни чекори напред и со целосното усогласување на надворешната и безбедносната политика на Северна Македонија со политиките на ЕУ, со што ги продлабочуваме односите меѓу двете држави и го подигаме нивото на политички дијалог.
 
Имаме причини за оптимизам од унапредувањето на соработката меѓу двете земји со што се забрзува процесот на европска интеграција на Северна Македонија”, додаде премиерот Ковачевски.
Сподели: