Министерот за надворешни работи, Бујар Османи, вчера во Лондон присуствуваше на приемот за шефовите на делегации во палатата Сент Џејмс, каде што присуствуваше и Неговото Величество Кралот Чарлс Трети.
“Во Палатата Сент Џејмс во Лондон на прием кај Неговото Величество Кралот Чарлс Трети. Благодарност за силната британска поддршка за Македонија. Негуваме одлични политички и економски односи, кои континуирано ги градиме во духот на меѓусебното пријателство и силно партнерство.
Кралот Чарлс има убави спомени од неговата историска посета на Скопје и Охрид, во 1998 година.
Оваа година одбележуваме јубилеј – три декади од воспоставување на нашите дипломатски односи”, напиша министерот Османи на својот официјален ФБ профил.
