Вести Македонија Ударни вести

Невреме во Преспанскиот регион – фотографии и видео

 

Силно невреме го погоди Преспанскиот регион алармираат од Центарот за управување со кризи.

„Силно невреме со дожд и ветер го зафати с.Крани и автокампот „Крани“, како и Претор и Наколец. Од невремето има паднати дрвја, бандери и во прекин е и електричната енергија. Во автокампот има паднати дрвја врз камп приколки и истите се оштетени. Луѓето кои престојувале во нив се згрижени кај соседите. Нема повредени“, соопштија од ЦУК.

Од невремето зафатени се и селата Долно Дупени, Сливница, Брајчино и Љубојно.

Во село Љубојно има паднати дрвја од кои има оштетена куќа и автомобил, а во село Наколец паднато дрво го препречило локалниот пат кон ова село.

Сите овие села: Долно Дупени, Крани, Сливница, Претор, Љубојно, Наколец се без струја.

На терен се испратени припадници на МВР ПС Ресен и ТППЕ – Ресен кои работат на расчистување на патот. Известени се ЕЛС – Ресен и останатите надлежни институции.

Граѓаните од овој регион на социјалните прежи споделуваат низа фотографии и видеа од невремето. Во продолжение е едно такво видео, кое на својот Фејсбук профил го објави режисерот Јане Бојаџи.

 

Ова се случи пред половина час во Преспа! Ништо не е поубаво но и пострашно од природата во исто време! Боже, колку многу "природа"!

Geplaatst door Jani Bojadzi op Woensdag 10 juli 2019

 

Исто така на фб профилот на групата Мојата Преспа објавени се фотографии од невремето во Преспа, поточно во Крани.

Сподели: