Премиера на претставата „Вонземјани“, на 28 јули во Македонскиот народен театар
автор: Игор Кузмановски
режија: Васил Михаил
костимографија: Благој Мицевски
сценографија: Дарко Дуковски
тонска обработка: Oscar Production
асистент на режија: Дамјан Јосифовски
Играат:
ТРПКО ТРАЈКОВ – Командант на единица за специјални задачи во пензија – НИНО ЛЕВИ
МАРТА – сопруга на Трпко – ДИМИТРИНА МИЦКОСКА
АНДРЕЈ – син на Трпко и Марта – ДИМИТАР ПАСКОСКИ
ЛЕА – ќерка на Трпко и Марта – НАУМ ЃОРЃИЕСКИ
ДЕСАНКА – мајка на ТРПКО – МАРИЈА НОВАК
ПАНЧЕ – полициски инспектор – НАУМ ЃОРЃИЕСКИ
ЉУЉЗИМ – другар на Трпко од војска – ДИМИТАР ПАСКОСКИ
РОМЕО – другар на Трпко од војска – НАУМ ЃОРЃИЕСКИ
МАРТИН –другар на ЛЕА – ДИМИТАР ПАСКОСКИ
ТОМЕ – сопственик на фабрика за топење на олово и алуминиум и за пестициди – ДИМИТРИНА МИЦКОСКА, НАУМ ЃОРЃИЕСКИ
МИХАЈЛО – пратеник – МАРИЈА НОВАК, НАУМ ЃОРЃИЕСКИ
ДОСТАВУВАЧ НА ПИЦА – НАУМ ЃОРЃИЕСКИ
ЧИСТАЧ – ДИМИТРИНА МИЦКОСКА
Васил Михаил:
„Вонземјани“ е претстава која пулсира во урнебесно комичен жанровски амалгам и ја отсликува нашата реалност во поглед на семејните односи, стереотипи, инвазијата на технологијата и лажните информации и корумпираноста на општествениот систем. Современиот театарски израз ни нуди естетика која е автентична и невообичаена, додека содржината длабоко продира во проблематичните теми на нашето и светско секојдневие. Духовитите дијалози и инцидентните ситуации до раб на апсурд прават социјалната горчлива драма за нашата реалност да биде свежа, комична и емотивна. Сензибилитетот на ликовите и околностите во кои се сместени се несомнено универзални, но затоа што авторот е домашен, тие природно го содржат во себе идентификацискиот код на овие простори. Вонземјанството е човечки симптом. Колку ли луѓе се вонземјани, а не знаат за тоа?
Игор Кузмановски:
Додека деца умираат од глад, додека луѓе гинат во војни, додека дишеме загаден воздух и јадеме храна полна со пестициди, додека секојдневно сме опкружени со лаги и лицемерие, можеме ли навистина да кажеме дека сме среќни? „Вонземјани“ е обид преку драмската форма да се погледнеме себеси од страна, како туѓинци што ја набљудуваат човечката цивилизација. Пораката на делото не е да даде конечни одговори, туку да поттикне размислување за вредностите што ги губиме и за светот што го создаваме. Ако човечноста исчезне, тогаш вистинските вонземјани нема да дојдат од вселената – тие ќе бидеме самите ние.
Копродукција на Здружение МАНА и Македонски Народен Театар
Премиерата ќе се одржи во рамки на манифестацијата Скопско Лето
Проектот е финансиски поддржан од Министерството за култура и туризам
Линк за онлајн билети:https://mnt.mk/online/index.php?id=710
