Вести Изјави Македонија Топ теми Ударни вести

Сали: Случајот „Брезев“ ќе оди до крај – моментaлно средба на стручни тимови од „МАЛМЕД“ и „Жан Митрев“

Сподели:

 

Случајот „Брезев“ ќе се тера до крај и ќе добие разрешница. Никој не е над законот, ниту има недопирливи, рече денеска министерот за здравство Беким Сали.

Министерот на прес-конференција информира дека моментно е во тек состанок на стручен тим од Агенцијата за лекови и медицински средства (МАЛМЕД) со претставници од клиничката болница „Жан Митрев“, за да се утврди дали испитувањата врз пациентите кои се лекувале таму се вршени согласно важечките прописи.

Според министерот, Државниот санитарен и здравствен инспекторат во последните три години направил 45 редовни и 52 вонредни инспекциски надзори во 12 приватни здравствени установи.

Детали соопшти и директорката Иринка Сотировска Бухова, информирајќи дека конкретно во „Жан Митрев“ се спроведени три редовни и девет вонредни инспекциски надзори.

Министерот Сали на прес-конференцијата претходно ја објасни методата на хемофилтрација која се користи при третман на пациенти во тешка состојба, сместени на интензивна нега.

-Дали методата е применувана согласно строгите критериуми и индикации, треба да процени стручен надзор од експерти во соодветните области, подвлече министерот. Министерството за здравство останува отворено за соработка за сите институции на барање на ОЈО.

Сподели: