Спорт

,,Секој ден ми недостига Михаел,, – Корина ја погодија емоциите, одржа срцепарателен говор и заплака!

Сподели:

На доделувањето на престижната „Државна награда“ што ја доделува Северна Рајна Вестфалија во Келн, беше видена трогателна сцена.

шумахер1

Најголемата чест на оваа германска сојузна држава му беше доделена на легендарниот Формула 1 возач Михаел Шумахер, а во негово име наградата ја добија неговата сопруга Корина Шумахер и ќерката Џина-Марија.

На свечената церемонија Корина одржа исклучително емотивен говор во кој откри колку и недостига нејзиниот сопруг.

“Ми недостига Мајкл секој ден, но не само на мене. На децата, семејството, неговиот татко, на сите им недостига. На сите ни недостасува, а тој е тука. Тој е различен, но тој е тука и тоа ни дава сила. Се обидуваме да продолжиме како семејство, што и тој би сакал. Секогаш не штитеше, а сега ние го штитиме него“, низ солзи раскажува Корина.

Корина и Џина дојдоа во придружба на пријателот на Шумахер, Жан Тод, поранешен претседател на ФИА и шеф на Ферари.

“Го запознав Мајкл пред 30 години во Ферари. Нормално, никој не беше подготвен сето ова да биде толку емотивно за Корина, но понекогаш е добро да се изгуби малку контролата”, изјави Тод.

Состојбата на Михаел Шумахер, седумкратниот светски шампион во Формула 1, е обвиткана во мистерија повеќе од осум години.

Михаел Шумахер сериозно ја повреди главата при пад на скијање на француските Алпи на 29 декември 2013 година и оттогаш неговата состојба е предмет на шпекулации, бидејќи нема официјални медицински извештаи.

The post ,,Секој ден ми недостига Михаел,, – Корина ја погодија емоциите, одржа срцепарателен говор и заплака! appeared first on Спорти.

Powered by WPeMatico

Сподели: