Uncategorized Вести Свет

Силен земјотрес во Хрватска, епицентарот во близина на Петриње

Сподели:

 

Силен земјотрес со интензитет од 6,3 степени по Рихтеровата скала ја погоди Хрватска, 15 минути по 12 часот напладне.

Според хрватските медиуми, епицентарот е на 45 км југоисточно од Загреб, во близина на Петриње, каде се јавува за материјални штети, a земјотресот бил почуствуван речиси во цела Хрватска.

Како што известува хрватската сеизмолошка служба се очекуваат поголеми материјални штети.

Премиерот на Хрватска, Андреј Пленковиќ најави дека заминува во Петриње, а Владата објави дека се испратени сите расположливи ресурси во тој град.

Градоначалникот  Даринко Думбовиќ рече дека половина град е уништен и побара итна помош да биде испратена во Петриње.

Ова е трет по вчерашните два земјотреса што ја погодија Хрватска. Првиот со јачина од 5,0 степени според Рихтеровата скала се случи околу 6:30 часот, а подоцна околу 7:50 часот, земјата повторно се тресеше со интензитет од 4,9 степени.

 

Сподели: