Претседателот на Собранието, Талат Џафери, на денешната седница ја констатираше оставката на пратеникот од ДУИ, Фљорим Бесими, кој се повлече од функцијата поради можен конфликт на интереси, но и под притисокот на јавноста, бидејќи неговиот брат Фатмир Бесими, е предложен за нов министер во владата на Зоран Заев.
Џафери рече дека по добивањето на известувањето од Државната изборна комисија кој е следниот на листата на ДУИ за пратеници, ќе продолжи пленарната седница.
