Во посета на Државниот архив беше г. Брајан Колодијчек, директор на Центарот на мисионерите на милосрдието „Мајка Тереза“ од Сан Диего, САД, кој предводи истражувачки тим за ликот и делото на светицата Мајка Тереза. Во рамките на посетата беше одржан работен состанок со директорот м-р Христа Најданов, раководителот на Сектор, Светлана Успрцова и раководителот на Одделение – Скопје, Татјана Алексовска-Сапунџиоска, на кој стана збор за различни можности за идни соработки и за концепти за натамошни истражувачки активности во Државниот архив.
Невладината организација Центар „Мајка Тереза“ (https://www.motherteresa.org/) заедно со Институтот „Мајка Тереза“, меѓу многуте други активности, го промовираат животот и делото на светицата преку подготовка и публикување нејзини оригинални ракописи и материјали. Досега се објавени три публикации, а четвртата, биографија за Мајка Тереза е во фаза на подготовка.
Поради таа причина, истражувачки тим од Центарот деновиве е во посета на родниот град на Мајка Тереза со мисија да дојде до што повеќе информации за неа.
