Вести Изјави Македонија Статуси Топ теми Ударни вести

Заев: Народот нема да дозволи Мицкоски, Апасиев и Груевски да ја заробат и упропастат државата!

Сподели:

 

По поднесувањето на предлогот за гласање недоверба на Владата, се огласи и премиерот Зоран Заев на неговиот ФБ профил.

“За пуста желба за власт биле спремни државата да ја носат низбрдо, а народот да страда.
 
Овие денови сведочиме загрозување на Договорот од Преспа, на Договорот за добрососедство со Бугарија, на Охридскиот рамковен договор, на заедничкото едно и еднакво општество, на мирот на граѓаните внатре и на добрите односи со соседите. Но, има оваа држава свој народ, и граѓани, и демократи, и борци, и политичари и партии кои нема да дозволат Мицкоски, Апасиев и Груевски да ја заробат и упропастат државата одново.
Нашата кауза е и граѓанска и државничка.
 
Знам дека позади таа кауза како бедем гордо стојат мнозинство од нашите граѓани и мнозинство од нашите пратеници. Демократијата, слободата, солидарноста и заедништвото се нашите вредности”, напиша Заев.
 
Сподели: