Првата Глобална Женска Лидерска Конференија „Јас Сум Жена“ се организира со цел да се претстави позицијата на жената во современото македонско општество, како и кои се предностите и предизвиците со кои се соочуваат Македонките, во и надвор од Македонија.
Младински културен центар 20-21 јули.
Темите кои ги опфаќа конференцијата се поделени во четири области и тоа:
Македонките и Кариерните Стереотипи;
Македонките во Светот;
Македонките во бизнис и мултимедиа;
Македонки на јавни функции.
Македонките во Светот;
Македонките во бизнис и мултимедиа;
Македонки на јавни функции.
Следејќи ја моменталната ситуација во Македонија, убедени сме дека овие теми предизвикуваат посебен интерес, посебно кога се претставени и надополнети со лични сведоштва на истакнати и етаблирани жени во својата професионална кариера со забележан успех при балансирањето на професионалните ангажмани и приватниот живот, правејќи ги позитивни и инспиративни примери во областа во која дејствуваат професионално, но и во целокупниот општествен и социјален живот.
Конференцијата „Јас Сум Жена“ е од едукативен и вмрежувачки карактер, која ќе се одржува еднаш годишно. Во периодите од една до друга конференција, се планирани работилници со цел да се опфатат сите жени од општествениот и социјален живот во Македонија. Ви препорачуваме да ја следите нашата веб страна и социјални мрежи за најави за следни активности.
Конференцијата „Јас Сум Жена“ е организирана од 3 млади жени, ентузијасти за унапредување на правата и положбата на жените во Македонија: Ана Дукоска основачка на иницијативата „Македонците во светот“, Илина Пејоска Затуроски, UI/UX дизајнерка и сопственичка на мал бизнис БЕБЕБОКС ДООЕЛ и Катерина Климовска, претседателка на ИСЛАА – алумни асоцијацијата на школата за млади лидери Иванов.
