Алтернатива Скопје Чита

АНА БУНТЕСКА – Не е важно колку ќе спечалиш во животот

Сподели:

12805752_10209270288743018_2232641391372342936_n

 Не е важно колку ќе спечалиш во животот

Туку зад себе шо ќе остајш

Оти и азно да имаш, ќе се изарчи

Парите се лизгаат низ раце

За ова требале, за она си ги дала

Гледај зад себе шо ќе остајш

Образот чист да ти биди

Неиспоганет со лаги и лошотилак

Оти тој најдолго на лицето останува

И со него друг образ ќе допираш

На тој шо твој чоек ќе е

На чупчето твое

Остај зад себе чистота

Остај зад себе светлина и прав пат

Сите агли во него испрај ги и терај

Не застанвај

Не коленичи пред никој

Глата гордо горе да ти е

И простум да си дур в замја не те клаат”

Паметам се’

Секој збор ти го паметам

И еве ме

Со полни 44 зад себе

Со пат кој не е толку прав колку што би сакала

Ама образот чист ми е

И срцево мирно

И зад себе ќе оставам здраво и право дете

На кое и ти горда би била

Оти иако мала, чесна е

И знае што сака

Своја

Инаетлива, а сепак кротка

Јагне, ко шо би рекла ти

И зборој ќе оставам

Боже здравје, барем уште неколку книги

Само телово и умот да ме крепат

Ќе оставам светлина во срцето

И љубов колку за сиот свет

Ќе оставам уста неиспоганета

И чиста мисла

Малку ѕвездена прашина и спомени

Кај оние кои ме љубеле

Малкумина, ама алтан луѓе

Друго и немам

А и некако како стареам друго и не ми треба

За храна и вода имам

За дружба страдна не сум

Ниту пак за љубов оти во себе ја носам

Прелева

И нека оди

Бадијала никогаш не е

И времето ко ќе ми дојди

Знам дека ќе си заминам со насмев

Оти ќе знам дека ме чекаш

И спокојна ќе бидам

Оти и душава зад себе што ќе ја оставам

Ќе мириса на слобода

На небо

На ќерка ми

На него

 

Сподели: