Алтернатива Македонија Настани

“Антолог” – Прва книжарница на тркала во Македонија

Сподели:
 
Издавачката куќа “Антолог” започна со еден сосема нов концепт, “Книжарница на тркала“.
 
 
 
 
Од Плоштадот Македонија, каде што започна оваа прва подвижна книжарница ќе менува локации низ Скопје и низ целата држава, доближувајќи ги сите најактуелни наслови дури и на најнеочекуваните места.
Сосема нов концепт, кој достапноста на книгите и културата на купување книги ги подигнува на едно сосема друго ниво.
 
“Првата подвижна книжарница на „Антолог“ официјално почна со работа на 17 март 2021 година, од 12-18 часот, на Плоштадот Македонија, а потоа ќе менува локации низ Скопје и низ целата држава, доближувајќи ги сите најактуелни наслови дури и на најнеочекуваните места. 
 
Одамна размислувавме за можноста што повеќе да ги доближиме книгите до нашите читатели што секојдневно нè следат и нè поддржуваат, особено во оние места каде што за жал бројот на книжарниците и достапноста на книгите се на многу ниско ниво. Оваа иновативна и атрактивна книжарница на тркала е следната приказна што ја испишуваме заедно со нашите читатели.
 
Покрај богатиот асортиман на домашна и преводна литература за сите возрасти, идејата е и книжарницата да прерасне во простор што ќе обединува настани, промоции, средби и гостувања на автори.
На нашиот сајт antolog.mk, како и на нашите профили на друштвените мрежи редовно ќе ги објавуваме програмата на Книжарницата на тркала и локациите на кои таа може да се најде. Исто така, со оглед дека целта на оваа книжарница е да ги исполнува желбите на читателите – секојдневно ќе бидеме отворени за конкретни покани и предлози на места што треба да ги посетиме следни, – порачуваат од „Антолог“.
Сподели: