На 29ти август, во Јавна соба со почеток од 21 часот, ќе се одржи хуманитарна акција на Скопскиот хипхоп колектив Зад Аголот, во соработка со македонските графитџии и добронамерници.
Десет графити артисти/уметници изработија 100 уникатни омоти на “Зад Шпиунката” и ќе се продаваат заедно во пакет со маички Зад Аголот и стикери, по симболична цена од 500 денари, а секој што сака да даде повеќе ќе може да го стори тоа во кутија за донации.
Артистите кој ги изработија омотите се:
• Страјк
• Pighands
• Руки
• Драш
• Мачка
• Микс
• Нак47
• ИндОг
• Гало
• Филе
Исто така ќе се продаваат и ваучери за тетовирање од Nameless Tattoo Studio. Вредност на ваучерот е 1000 денари, по цена од 500 денари.
На грамафоните ќе вртaт Диџеј Гоце, Илич и Дрази Драгс.
Сите средства собрани од хуманитарната акција ќе бидат директно донирани до најзагрозените семејства од поплавата.
“Си мојот човек, твојот проблем е и мојот проблем,
Сум твојот човек, мојот проблем е и твојот проблем”
