Преслаткото куче Бошко кое ги освои срцата на сите вработени во ЈП Лајка е веќе во својот нов дом.
По речиси два месеци во нашето прифатилиште од денес тој започнува нов поубав живот како член на едно хумано скопско семејство. Само неколку часа по објавувањето на приказната и видеото за Бошко интересот за негово вдомување беше огромен и на нашата електронска адреса за вдомување пристигнаа бројни апликации. По внимателен преглед и проверка на секоја поднесена апликација од вработените на ЈП Лајка, се одлучивме овој миленик да биде вдомен од едно прекрасно семејство кои се вистински љубители на кучиња.
Им благодариме многу и на граѓаните за поддршката и што заедно креираме многу среќни приказни.
ВДОМИ КУЧЕ, ВДОМИ ЉУБОВ!
За аплицирање и прашалник за вдомување на кучиња од нашето прифатилиште пратете ни меил на: vdomi@lajka.com.mk.
