Европските пратеници го избраа Јан Кристоф Отјен од Германија за потпретседател на Европскиот парламент, по оставката на Никола Бир.
Отјен, инаку член на германската Партија на слободни демократи и член на политичката група Да ја обновиме Европа во Европскиот парламент, беше единствениот кандидат и беше избран со акламација, соопшти Европскиот парламент.
Бир претходно поднесе оставка како потпретседателка на Европскиот парламент со цел да ја преземе функцијата потпретседателка на Европската инвестициска банка во Луксембург.
