Втората најблиска месечина на Сатурн, наречена Пан која обитира во сатурновите прстени се карактеризира со многу невообичаена форма како орев со истакнат екваторијален гребен.
Фотографијата со највисока резолуција направена досега од месечината Пан (с) NASA/Cassini/Kevin Gill
Месечинката Пан била откриена со помош на фотографиите од вселенското летало Војаџер 2, чија позиција претходно била хипотетизирана. Нејзините димензии се 40 км во дијаметар на екваторот и 25 км на половите, незиниот екваторијален гребен на некои места достигнува висина од 5 км и ширина околу 500 метри. Екваторијалниот гребен се создава од гравитациско собирање на честици и карпи од сатурновите прстени, правејќи го процепот Енке што претставува патеката во која орбитира.
Поглед од другата страна (с) NASA/Cassini/Ian Regan
На 7 март оваа месечина беше фотографирана од вселенската сонда Касини со најголема резолуција досега каде се забележуваат фасцинантни детали од нејзината површина и структура на екваторијалниот гребен кој делува како површински прстен. Браздите кои се забележуваат на нејзината површина се последица од големите плимини сили предизвикано од Сатурн и нејзината благо ексцентрична орбита.
Месечинката Пан осветлена директно од Сонцето и од другата страна осветлена од Сатурн. Од страните се забележуваат сатурновите прстени (с) NASA/Cassini/Ian Regan
Секвенца од неколку последователни фотографии направени со вселенската сонда Касини (с) NASA/Cassini. Jason Major
Прстените на Сатурн, процепот Енке и малата месечинка Пан (с) NASA/Cassini
Од друга перспектива, месечината Пан додека орбитира во прстените на Сатурн (с) NASA/Cassini
