Вечерва во Младинскиот културен центар ќе се доделуваат награди за стрипот „Лифт“.
На изложбата и во публикацијата ќе бидат претставени 9 стрипови кои од 30 пристигнати се оценети за најдобри во 2018 година. Автори на овие стрипови се Никола Панов, Стефан Николовски, Оливер Цветковски, Лазар Ангелов, Виктор Гаврилoски и Магдалена Мирческа, Јована Велинова, Кристина Неделковска, Марија Николаевска и Владимир Трајановски.
Иницијатори на наградата „Лифт“ се книгоиздателството „Темплум“ и ОХО, а целта е да се промовираат и афирмираат овдешните стрип-автори и да се унапредува стрипот кој, според организаторите, кај нас е запоставен медиум.
