Русија го повика Северноатлантскиот сојуз (НАТО) да учествува на 6. Конференција за меѓународна безбедност којашто ќе биде одржана на 26 и 27 април во Москва, пренесува Anadolu Agency (AA).
Заменикот руски министер за одбрана, Александер Фомин, за агенцијата ТАСС изјави дека е испратена покана до раководството на НАТО, назначена на име на генералот Петр Павел.
Фомин изјави дека делегацијата на НАТО ќе учествува на Конференцијата, но дека сѐ уште не е потврдено дека во делегацијата ќе биде и чешкиот генерал Павел, претседател на Воениот комитет на НАТО.
Теми на дводневната конференција во Москва ќе бидат кризите и безбедносните предизвици со кои се соочува меѓународната заедница.
НАТО ги суспендираше односите со Русија во 2014 година, по бесправната руска анексија на Крим.
