По изборната победа во март, Владимир Путин денеска ќе биде инаугуриран на претседателската функција.
Владимир Путин, на светската сцена се појави од сенка, како поранешен агент на КГБ, како и шеф на Федералната служба за безбедност. Тогаш потполно непознат за јавноста, бил десна рака на Борис Елцин, премиер на државата, по што на 1 јануари 2000 година го зезеде тронот. Осумнаесет години подоцна, тој и натаму е на врвот, четврт пат на местото шеф на државата.
Денешната церемонија ќе биде како и претходните три во изминатите 18 години: сала во Кремљ со многу злато, вратата се отвора и Владимир Путин цврсто зачекорува на црвениот тепих. Од 2000. година ова е четвртата инаугурација за, во меѓувреме 65-годишниот, претседател на Русија. Се чини дека е на врвот на својата моќ. На изборите на 18 март Путин освои 77% од гласовите – негов најдобар резултат. „Со тоа не се чувствува потврден само функционерот Владимир Путин, туку тој тоа го чувствува и како потврда на својата политика“, вели Гернот Ерлер, поранешен ополномоштеник на германската влада за Русија. Од новиот мандат на Путин политичарот на СПД очекува пред сѐ едно – „континуитет“.
https://www.facebook.com/tassagency/videos/1864162110319540/
