Нацрт-документот според кој ќе се водат преговорите за членство со Македонија, се наоѓа кај земјите-членки на ЕУ, кои ќе треба да ја одобрат финалната верзија.
Според проценките, документот веќе идната недела ќе се разгледува во Брисел на експертско ниво меѓу земјите-членки. Преговарачките рамки ги утврдуваат насоките и принципите за пристапните преговори со секоја земја-кандидат.
Северна Mмакедонија ќе мора да го преведе заедничкото европско право на македонски пред официјалното зачленување во европската унија, пишува во предлог-преговарачката рамка за земјава.
Одредницата што се користи за именување на јазикот е – македонски (macedonian), без никакви дополнителни објаснувања или фусноти. Од Владата очекуваат до октомври да биде прифатен финалниот текст.
„Северна Македонија ќе треба да го преведе заедничкото европско право (acquis) на македонски (Macedonian) доволно време пред зачленувањето…“.
