Шведскиот напаѓач Златан Ибрахимовиќ неодамна го продолжи договорот со Милан на уште една сезона со значително намалување на платата.
Иако Ибрахимовиќ наскоро ќе го прослави својот 41 роденден, тој се уште нема намера да се пензионира бидејќи верува дека игра фудбал на највисоко ниво.
Ибра најверојатно ќе го пропушти првиот дел од сезоната поради операцијата на коленото, но изјави дека не му е тешко бидејќи сигурно ќе им биде од голема помош на Росонерите кога ќе се врати на теренот.
Интересно е што Ибрахимовиќ одговараше на прашањата на фановите на Инстаграм, а еден од нив го праша дали размислува да стави крај на кариерата, а Ибра во свој стил му одговори.
„Никогаш! Ако се пензионирам, тогаш фудбалот ќе умре“, кратко изјави Ибрахимовиќ.
Напаѓачот на Милан веќе го започна процесот на опоравување од повредата на коленото што го оперираше пред речиси два месеци.
Неговото враќање на терените се очекува дури на почетокот на 2023 година.
The post ИБРА во свој стил стана хит – Прочитајте каков легендарен одговор доби на едно прашање од навивач! appeared first on Спорти.
Powered by WPeMatico
