Градоначалникот на Општина Центар Горан Герасимовски на трибината „Заедно можеме“ од ООУ „Киро Глигоров“ зборуваше за проектот продолжување и изградба на катна гаража на улицата „Народен Фронт“ со капацитет од 260 возила.
„Во процедура е нов паркинг во Капиштец. Со самите истражувања ги детектиравме проблемите по населбите и најкритични се Дебар Маало, Капиштец и населбата Буњаковец. Во Капиштец планираме да ја отпочнеме новата катна гаража тоа ќе биде на улицата Народен фронт, продолжение на онаа монтажна гаража со капацитет од 260 паркинг места. Ова е еден од поскапите и капитални проекти коишто го планираме да го отпочнеме до крајот на годината, а да го реализираме до средина на следната година“, изјави Герасимовски.
На трибината Герасимовски во присуство на општинската администрација зборуваше и за другите проекти кои беа реализирани во годината која изминува како изборното ветување на пензионерите и отворениот пензионерски клуб во трговскиот центар Беверли Хилс, реконструираното детско игралиште, мрежната инфраструктура на неколку улици и други проекти.
