Премиер лигата во Англија го суспендираше тренерот на Ливерпул, Јирген Клоп на еден натпревар поради недолично однесување, па нема да го води тимот на претстојниот натпревар против Астон Вила.
Клоп ќе мора да плати и 75.000 фунти, а вториот натпревар од суспензијата е условна до крајот на следната сезона доколку го повтори прекршокот.
Тој остро го критикуваше судијата Пол Тирни по победата од 4:3 против Тотенхем, на натпреварот одигран на 30 април.
Независната комисија утврди дека изјавите на германскиот тренер претставуваат недолично однесување, бидејќи тие подразбираат пристрасност, го доведуваат во прашање интегритетот на судијата, се лични, навредливи и го омаловажуваат фудбалот, објави Скај.
По натпреварот, кој Ливерпул го доби со гол во судиското надополнување, Клоп беше прашан од новинарите за жолтиот картон што го доби откако го прослави голот на Диого Жота пред четвртиот судија Џон Брукс.
,,Имаме историја со Пол Тирни, навистина не знам што има тој човек против нас, рече дека нема проблем, но тоа не може да биде вистина. Како ме гледа, не разбирам – рече меѓу другото Клоп.
фото: EPA/Peter Powell
Тој веднаш зажали за изјавата на следната прес-конференција, а потоа испрати писмо до Фудбалскиот сојуз да одговори на обвинувањата.
Клоп се извини за своето однесување, призна дека заслужува жолт картон и даде непримерни коментари за Тирни. Рече дека е премногу емотивен во некои одлуки, што довело до чувство на неправда и фрустрација.
