Во чест на начајниот јубилеј – 80 години од основањето, НУУБ „Св. Климент Охридски“ – Битола со низа активности ќе ја одбележи долгогодишната традиција, културната мисија и придонесот на установата во зачувувањето и промовирањето на знаењето.
Програмата започнува на 17 март (понеделник) со панел-дискусија на тема „Библиотеката – срце на заедницата.
На 18 март (вторник) во 12:00 часот ќе бидат доделени награди за посветените читатели, најдобрите библиотечни приказни, роднокрајните автори, како и благодарници за поранешните вработени, кои со својата љубов кон книгата и знаењето придонесуваат за збогатување на културниот живот и библиотечната традиција.
Одбележување на 80 години постоење на НУУБ „Св. Климент Охридски“ – Битола, ќе биде заокружено на 21 март со „Свечена академија“, која со почеток во 19:00 часот ќе се одржи во Свечената сала на КИЦ- Офицерски дом -Битола.
